OPERASYONEKE MEZIN: Pêşmerge, asayîş û polîs di berbangê de ketin tevgerê

Kerkûk (Rûdaw) – Hêzên pêşmerge, asayîş û polîsên navçeyên Kerkûkê li başûrê bajêr operasyoneke hevbeş pêk anîn. Di dema operasyonê de 20 gumanbar hatin binçavkirin, çendîn otomobîl û motorsîkletên bê belge û herwiha bombe û teqemenî hatine desteserkirin.

 

Rêveberê Polîsên Qeza û Nehyeyên Kerkûkê Serhed Qadir ji Rûdawê re ragihand, li navçeya Dubiz û bajarokê Yaycî demjimêr 04.00ê sibeha roja Çarşemê 19-07-2017 dest bi operasyoneke berfereh kirine.

 

Qadir da zanîn, ku di operasyonê de 20 kesên gumanbarên DAIŞê hatine binçavkirin. Herwiha dest danîne ser çend otomobîl û 10 motorên bê belge, hejmareke bombe û alavên teqemeniyê.

  

Hêjayê gotinê ye ku roja 18ê Tîrmehê komeke çekdarên DAIŞê êrîşê gundê Çirax a Dûbizê kiribûn û di encamê de 5 kes kuştibûn, ku yek ji wan mûxtarê gund û yê din jî mela bû.

 

 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger