Projeya ava Bêxal - Rewandiz hat vekirin

Hewlêr (Rûdaw) – Bi amadebûna Wezîra Şarevanî û Geştûguzariya Herêma Kurdistanê Newroz Mewlûd, Projeya Ava Bêxal - Rewandiz hat vekirin, ku ji aliyê du rêxistinên navdewletî ve budceya wê hatiye terxankirin.

 

Wezîra Şarevanî û Geşûguzariyê Newroz Mewlûd di merasîma vekirina projeyê de ragihand ku ev proje ava vexwarinê ya niştecihên bajarê Rewandiz dabîn dike û nêzîkî 26 hezar kes dê jê sûd werbigrin.

 

Budceya projeya ava Bêxal – Rewandiz ji aliyê herdu rêxistinên UNDP û German Cooperation ve hatiye terxankirin ku proje bi temamî 2 milyon û 930 hezar dolar dike.

 

Newroz Mewlûd diyar kir: “Ev proje li şûna projeya kevn hate pêkanîn ku di sala 1987an de hatibû çêkirin. Wê demê ew proje ji bo niştecihên Rewandizê guncaw bû, lê ji ber berfirehbûna bajar û hatina hejmareke mezin a awareyan, proje nikaribû ava pêwîst dabîn bike.”

 

Wezîra Şarevanî û Geştûguzariyê Newroz Mewlûd destnîşan kir ku armanca projeyê bi kalîteya bilind û guncaw a standarda cîhanî zêdekirina şiyana dabînkirina ava vexwarinê ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger