Hewlêr (Rûdaw) - Komîteya Wezîran a Konseya Ewropayê, ji bo serbest berdana Selahattin Demirtaş û Osman Kavala û hilweşandina biryara girtina wan heta 30yê Îlonê dem da Tirkiye.
Komîteya Wezîran a Konseya Ewropayê bi armanca şopandina bicihkirina biryarên Dadgeha Mafê Mirovan a Ewropayê (DMME) civiya.
Komîteyê, derbarê hevserokê berê yê Partiya Demokratîk a Gelan (HDP) Selahattîn Demirtaş û girtiyê Doza Geziyê Osman Kavala, ku tevî biryara Dadgeha Ewropa nehatine berdan, biryar da.
Komîteyê di biryara xwe de daxwaza serbest berdana Demirtaş û hilweşandina biryara girtina wî kir û heta 30yê Îlonê dem da Tirkiyê.
Herwiha komîteyê daxwaza berdana Osman Kavala jî kir û biryar da ku heta rûniştina meha Kanûnê ya dadgehê li benda berdana Kavala bê sekinandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse