Barzanî ji bo Menderes û Bayar name şandiye

Stenbol (Rûdaw) – Nameyên Şêx Smaîl Barzanî ji bo Serokwezîrê Tirkiyeyê yê berê Adnan Menderes û Serokomarê Tirkiyeyê yê berê Celal Bayar şandîn hatin dîtin.

 

Kurê alimê kurd Mela Sadredîn Yuksel ê civaknas û nivîskar Mufid Yuksel ji Rûdawê re diyar kir, wî nameyên ji aliyê malbata Barzanî ve di sala 1956an de ji bo rayedarên Tirkiyeyê hatîn şandin, dîtine.

 

Civaknas û nivîskarê kurd Mufid Yuksel got wî dema ku di Tomargeha Serokwezîrî ya Komarî li Enqereyê de lêkolîn dikir, ew rastî nameyên Şêx Smaîl Barzanî ku kurê Ebdulselam Barzanî û biraziyê Mela Mistefa Barzanî ye, yên di 17ê Nîsan û 14ê Gulana 1956an de ji bo Adnan Menderes û Celal Bayar nivisandî hatiye.

 

Mufid Yuksel da zanîn Barzanî di wan nameyan de ji bo Filistînê piştgiriya Tirkiyeyê ji Menderes û Bayar xwestiye.

 

Yuksel amaje kir ku ew negihîştiye ti agahiyan ka Mendere û Bayar bersiva Barzanî dane an ne.

 

Herwiha civaknasê kurd destnîşan kir ku îdiayên dibêjin Barzanî bi eslê xwe cihû ne, xelet in û got malbata Barzanî ji neqşîbendiyan tên.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger