Hewlêr (Rûdaw)– Berdevkê Serokatiya Herêma Kurdistanê Dr. Umîd Sebah ragihand, ku endamê yedegê berî yê Polîtbûroya YNKê Azad Cundiyanî li Serokatiya Herêma Kurdistanê ti erk û berpirsiyarî wernegirtiye.
Berdevkê Serokatiya Herêma Kurdistanê Dr. Umîd Sebah li ser malpera fermî ya Serokatiya Herêma Kurdistanê daxuyaniyek belav kir û diyar kir, ku ev çendîn roje li medya û ragihandina navxwe ya Herêma Kurdistanê nûçeyên derbarê erkdarkirina Azad Cundiyanî de nûçe tên belavkirin û got; “Li vir ji hemû aliyan re radigihînîn ti bingeheke van nûçeyan nîne û ji rastiyê dûr in. Daxwaz ji medya û ragihandinan dikîn berî ku nûçeyên bi vî awayî belav bikin duvdaçûnek ji bo rastî û dirustiya nûçeyê bikin.”
Sebah herwiha daxuaynd; “Kak Azad Cundiyanî kesayetiyekî xebatgêr û niştîmanperwer e û hemû demek warê kar û xizmetkirina welat li hemû cîhek da ji bo wî rexsaye.”
Di daxuyaniya xwe de Dr. Umîd Sebah got; “Kak Azad, kurê têkoşerekî navdar û fermandeyekî navdarê Komara Kurdistanê û şoreşa mezin a Eylûle û malbata têkoşerê Wehab Axayê Cundiyan e û herdem cihê rêz û hurmetê ne.”
Endamê yedeg ê Polîtbûroya YNKê Azad Cundiyanî roja 10ê Sibatê beriya civîna Polîtbûroya YNKê nameya xwe ya destjikarkêşiandinê pêşkeşî herdu cîgirên sekreterê giştî yê YNKê kirib3u.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse