Sedî Pîre: Şanda YNKê bi tenê naçe Bexdayê

Hewlêr (Rûdaw) –  Endamê Polîtbûroya YNKê Sedî Ehmed Pîre gotegotên ku dibêjin dê şandeke YNKê here Bexdayê, red kir.

Sedî Pîre ji Rûdawê re ragihand: Bi riyên cuda hewlên aramkirina rewşê berdewam dikin. Lê ti biryarek nîne şandekê YNKê bi tenê ji bo danûstandinan here Bexdayê.”

 

Di 2 rojên derbasbûyî de hikûmeta Iraqê hêzeke zêde şandiye ser sînorê navçeyên kurdistanî yên li derveyî îdareya Herêma Kurdistanê.

 

Hatina leşkerên Artêşa Iraqê û hêzên Heşda Şeibî ya li ser sînorê Kerkûkê, rewşa li herêmê aloz kir û ji ber vê yekê hêzên pêşmerge ketin amadebaşiyê.

 

Herwiha hikûmeta Herêma Kurdistanê û Fermandariya Giştî ya Hêzên Pêşmerge derbarê vê yekê de hişyarî dan û banga aramkirina rewşê kirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger