Hewlêr (Rûdaw) - Parêzer Sîdar Omer Îçgîlê 25 salî ku li ser Baroya Amedê qeydkirî ye xwe kuşt.
Baroya Amedê têkildarî xwekuştina Sîdar Omer Îçgîl peyamek weşand.
Li gorî nûçeya Bismil Haberê, li taxa Talaytepeyê ya navçeya Peyasê ya Amedê, parêzerekî 25 salî yê ku hîn stajyer bû, xwe ji avahiya ku lê dijiya avêt.
Hat diyarkirin ku li ser xwekuştina Sîdar Omer Îçgîl lêpirsîn hatiye destpêkirin.
Li aliyê din hat îdiakirin ku “pirsgirêkên derûnî” yên Sîdar Omer Îçgîl hebûne.
Ji Baroya Amedê peyama sersaxiyê
Baroya Amedê piştî xwekuştina Îçgil peyama sersaxiyê weşand.
Baroya Amedê di daxuyaniya xwe ya ku li ser hesabê xwe yê tora civakî belav kir de got:
“Em ji ber wefata Parêzerê Stajyer Sîdar Omer Îçgîl xemgîn in. Rehma Xwedê li hevkarê me be, em sersaxiyê ji xizmên wî yên xemgîn û civaka xwe re dixwazin.”
— Diyarbakır Barosu (@Diyarbakirbaro) December 12, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse