Serokwezîrê Iraqê li Herêma Kurdistanê ye; ew û Serok Barzanî çûne Rewandizê

Hewlêr (Rûdaw) - Serokwezîrê Iraqê Mihemed Şiya Sûdanî li Herêma Kurdistanê bi Serok Mesûd Barzanî re hevdîtinek kir û bi hev re çûne Rewandizê.

Rêvebirê Projeya Geştiyariyê ya Pank a Rewandizê Barzan Mihemed ji Rûdawê re ragihand, Îro Pêncşemê 13ê Temûza 2023an Serokê Mesûd Barzanî û Serokwezîrê Iraqê Mihemed Şiya Sûdanî tevî Wezîrê Derve yê Iraqê Fuad Husên serdana projeya geştiyariyê kirin.

Li gorî agahiyên Rûdawê, Serok Barzanî û Serokwezîrê Iraqê Mihemed Şiya Sûdanî serdana seyrangeha Bexalê jî kirine.

Li aliyê din ofîsa Mihemed Şiya Sûdanî ragihand, Serokwezîrê Iraqê bi serdaneke ku berê nehatibû ragihandin li Herêma Kurdistanê ye.

Serokwezîrê Iraqê Mihemed Şiya Sûdanî serdana Herêma Kurdistanê kir û ew û Serok Barzanî li seyrangeheke Rewandizê geriyan. pic.twitter.com/Jyau02yyvO

— RudawKurdi (@RudawKurdi) July 13, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger