Hewlêr (Rûdaw) - Tevgera Civaka Demokratîk (TEV-DEM) konferansa xwe ya 5emîn li dar xist û hevserokên nû hilbijart.
TEV-DEMê îro konferansa xwe ya 5emîn bi dirûşma "Rêxistinên civaka demokratîk misogeriya azadî, edalet û wekheviyê ne" li bajarê Hesekê yê Rojavayê Kurdistanê li dar xist.
Li gorî medyaya Rêveberiya Xweser, kongre bi beşdariya 500 endamên saziyên sivîl, tevgerên siyasî û rêxistinên civakî bi rê ve çû.
Di konferansê de Ebduselam Mehmûd û Remziye Mihemed wekî hevserokên nû yên TEV-DEMê li şûna Xerîb Hiso û Rûkem Ehmed hatin hilbijartin.
Herwiha endametiya 100 kesan ji bo Meclisa Giştî hat pejirandin.
Di kongreyê de rewşa giştî ya Rojavayê Kurdistanê û herêmê hat gotûbêjkirin.
Her wiha di dawiyê de hejmareke daxwazên ji bo pêşxistina rêxistinên ser bi TEV-DEMê ve hatin kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse