Agir bi Kampa Berdereşê ket: Zarokekê canê xwe ji dest da

Hewlêr (Rûdaw) - Li Kampa Berdereşê agir bi konekî ket û di encamê de zarokeke yek û nîv salî canê xwe ji dest da.

Rêveberê Parastina Sivîlan a Akrê Îbrahîm Ferîq ji Rûdawê re ragihand:

“Navê wê zarokê Ronya Hesen Mûsa ye û yek û nîv salî ye, ji ber dereceya giran a şewatê canê xwe ji dest da.”

Rêveberê Parastina Sivîlan a Akrê Îbrahîm Ferîq diyar kir ku li gorî lêkolînên destpêkê, şewat ji ber sîgortaya elektrîkê derketiye.

Kampa Berdereşê dikeve başûrê navçeyê û welatiyên ji Rojavayê Kurdistanê tê de dijîn.

Ew welatiyên ji Rojavayê Kurdistanê di dawiya sala 2019an de ji ber êrişên Tirkiyeyê yên li ser Girê Spî û Serê Kaniyê koçberî Herêma Kurdistanê bûn.

Li gorî dîmenên ku piştî kontrolkirina agir hatine girtin, kon û kelûpelên tê de bi temamî şewitîne.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger