Şingal (Rûdaw)- Çekdarên rêxistina DAIŞê li nava Şingalê êrişî çeperên Hêzên Pêşmerge kirin, lê balafirên hevpeymaniya navdewletî û Pêşmerge êrişa wan têk birin.
Fermandarê Pêşmerge û berpirsê Eniya Şingalê Lîwa Haşim Sîteyî ji Rûdawê re ragihand: “Îro piştî nîvro, li nêzîkî Kelha Smaîl Beg li nava Şingalê, çekdarên DAIŞê bi çekên dûravêj êriş kirin, lê ew êriş her zû ji aliyê Pêşmerge û balafiran ve hat bêdengkirin.”
Lîwa Haşim Sîteyî amaje bi wê yekê kir ku, “Pêr, DAIŞ hêzeke mezin nû ji Mûsilê anîbû Şingalê û îro ew êriş kir, lê ji ber ku balafiran 7 caran li wan dan, 2 otomobîlên wan hatin şewitandin.”
Sîteyî wiha got: “Li gorî texmînên me, % 70 ji wê hêza nû hatin kuştin. Ji aliyê me ve, ti pêşmergeyek ne şehîd û ne jî birîndar nebûne.”
3ê Tebaxa par, çekdarên DAIŞê destê xwe danîn ser Şingalê û heta niha jî di destê wan de ye. Serokê Herêma Kurdistanê di yekemîn salvegera girtina Şingalê de ragihand ku di pêşerojeke nêzîk de wê Şingal were kontrolkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse