Hewlêr (Rûdaw) - Li Sêrtê xwendekarên dibistana amadehiyê pev çûn û di şer de 1 jê giran 3 kes xwendekar birîndar bûn.
Bûyer îro li taxa Algulê ya navenda bajarê Sêrtê çêbû.
Li gorî zanyariyan, ji ber sedemeke nediyar di navbera 2 grûpên xwendekarên dibistaneke amadehiyê de dema ji dibistanê derdiketin nîqaş derket.
Piştî nîqaşê her du grûp bi kêr, kulm, pehîn, dar û keviran pev çûn.
Di pevçûnê de xwendekarê 16 salî Alî U. bi kêrê ji zikê xwe bi giranî birîndar bû.
Herwiha du xwendekarên din ên bi navên Mazlum S. û Dogan S. jî bi derbên kulm û pehînan birîndar bûn.
Li ser ahahdarkirinê tîmên tenduristiyê çûn cihê bûyerê û xwendekarên birîndar rakirin nexweşxaneyê.
Hêzên ewlehiyê li ser bûyerê lêkolîn da destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse