Îro HDP û 7 partiyên Bakurê Kurdistanê hevpeymaniya xwe radighînin

Amed (Rûdaw) - Biryar e îro Partiya Demokratîk a Gelan (HDP) û 7 partiyên Kurdî yên Bakurê Kurdistanê bi daxuyaniyeke hevbeş pêkanîna hevpeymaniya xwe bo hilbijartinên şaredariyan rabighînin.

Hevpeymaniya navbera HDPê û heft partiyên din ên Bakurê Kurdistanê îro li bajarê Amedê bi fermî tê ragihandin. 

 

Ev cara yekeme ku Kurdên Bakurê Kurdistanê di hevpeymaniyekê de beşdariyê di hibijartinan de bikin. HDP ku sêyemîn parta mezin a Tirkiyê ye li gel wan aliyên siyasî yên bakûrê Kurdistanê wê tevilî hilbijartinan bibe.

 

Ew aliyên bi HDPê re gihîştine rêkevtinê û ji bo hilbijartinên şaredariyan, bi HDPê re hevpeymaniyê ava dikin, ev in:

 

- Hereketa Azadî

- Partiya Herêmên Demokratîk

- Partiya Komunîst a Kurdistanê

- Partiya Demokrat a Kurdistanê-Tirkiye

- Platforma Demokrat a Kurd

- Partiya Mirov û Azadiyê

- Komeleya Kurdên Şoreşgêr ên Demokrat

 

Ev yek di demekê de ye ku Partiya Sosyalîsta Kurdistanê, Partiya Azadiya Kurdistanê, Partiya Maf û Azadiyan (HAK-PAR) û Partiya Demokrata Kurdistanê- Bakur (PDKa Bakur), beşdarî wê hevpeymandiyê nebûne.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger