AMED – 2 hevserok hatin desteserkirin

Navenda Nûçeyan – Hevserokên şaredariya her du navçeyên navendî Peyasê û Yenişehir ên Amedê hatin desteserkirin.

Li gorî agahiyan îro danê sibê bi fermana dozgerê giştî yê Amedê  polîsan avêtin ser avahiyên Saredariya Peyasê û Şaredariya Yenişehirê.

Herwiha di heman demê de polîsan bi ser mala Hevserokê Şaredariya Peyasê Mehmet Elî Aydin û Hevserokê Şaredariya Yenişehirê Mehmet Selim Kurbanoglu da girtine.

Polîsên Tirkiyê herdu hevserokên navborî desteser kirin.

Xebatkarên Şaredariya Peyasê ji bo şermezarkirina binçavkirina şaredaran û serdagirtina şaredariyan xwestin daxuyaniyek bidin çapemeniyê. Lê polîsan destûr neda xebatkaran û ew xistin nava şaredariyê. 

 

Di nava salekî de 46 şaredarên DBP'ê hatin zindankirin û niha jî 2 şaredar di bin çavan de ne.

 

Di nava şaredarên zindankirî de Hevşaredarê Mêrdînê Ahmet Turk, Hevêaredarên Amedê Gultan Kişanak, Firad Anli, Hevşaredarê Wanê Bekîr Kaya û Hevşaredarê Sêrtê Tuncer Bakirhan jî hene. Heta niha li ser 46 şaredariyên DBP'ê jî qeyûm hatine danîn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger