Li Hezro û Licê li dijî PKKê operasyon

Hewlêr (Rûdaw) - Bi armanca destpêkirina operasyoneke berfireh dijî gerîlayên Partiya Karkerên Kurdistanê (PKK) li 6 deverên ser bi Amed a Bakurê Kurdistanê ve qedexeya hatinûçûnê hat ragihandin.

Peyamnêrê Rûdawê yê Amedê, Maşallah Dekak da zanîn, ku bi biryareke parêzgarê Amedê li 5 gund û navçeyên Licê û gundekî ser bi navçeya Hezro ya Amedê qedexeya hatinûçûnê hatiye ragihandin.

Peyamnêrê Rûdawê dibêje, armanca biryara qedexekirina hatinûçûnê li wan navçeyên Bakurê Kurdistanê destpêkirina operasyoneke berfireh a leşkerî ye dijî gerîllayên PKKê li wan navçeyan û derdorê.

Maşallah Dekak herwiha got: "Operasyonê saet 6:00ê serê sibeha îro Duşembê (03.09.2018) destpê kiriye û nediyar e ka heta kengî operasyon bi dawî dibe. Li gor biryara parêzgerê Amedê, heta di wê operasyonê de serkevtinê bidest dixin, qedexe her berdewam dibe û têkildarî rakirina qedexeyê jî, bi biryareke din raya giştî tê agahdarkirin."

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger