Serok Barzanî û Fayiq Zêdan çareserkirina pirsgirêkan gotûbêj kir

Hewlêr (Rûdaw) –  Serok Mesûd Barzanî li Bexdayê bi Serokê Encûmena Bilind a Dadweriyê ya Îraqê Fayeq Zêdan re hevdîtinek pêk anî.

Baregeha Barzanî li ser civîna Mesûd Barzanî û Fayeq Zêdan daxuyaniyek belav kir.

Di daxuyaniyê de hat ragihandin ku di hevdîtinê de, behsa pirsên navxweyî yên Îraqê û Herêma Kurdistanê û pêwendiyên di navbera Hewlêr û Bexdayê de hatiye kirin.

Li gorî daxuyaniyê her du aliyan tekezî li ser çareserkirina hemû pirsgirêkan li ser bingeha destûr û yasayê kir.

Herwiha gotûbêjkirina hemû pirsgirêkên siyasî, aborî, yasayî û rewşa niha ya herêmê bi giştî, beşeke din a civîna Serok Barzanî û Fayeq Zêdan bû.

Serok Barzanî îro bi çû Bexdayê û bi serkirdeyên Hevpeymaniya Birêvebirina Dewletê re civiya.

Hevdîtinên Serok Barzanî yên li Bexdayê dê berdewam bikin.

Serok Mesûd #Barzanî li Bexdayê bi Serokê Encûmena Bilind a Dadweriyê ya Îraqê Fayeq Zêdan re hevdîtinek pêk anî pic.twitter.com/dQ4Aike2k3

— RudawKurdi (@RudawKurdi) July 3, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger