Hewlêr (Rûdaw) - Di dozên erdhejên Mereşê de heta niha 130 kes hatine cezakirin.
Hema bêje 2 sal di ser erdhejên Mereşê yên 6ê Sibata 2023yan re derbas bûn lê dozên derbarê kesên berpirsiyartiya wan hebûye berdewam dikin.
Li gorî amarên Wezareta Dadê, li Tirkiye û Bakurê Kurdistanê derbarê erdhejên 6ê Sibatê, bi giştî 2 hezar û 31 lêpîrsîn hatine vekirin û derbarê 1397 lêpirsînan de angaştname hatine amadekirin.
Her wiha di 51 dosyeyan de jî amadekirina angaştnameyan didome.
Di van dosyeyan de 77 kes hene û tenê ji wan 3 kes girtî ne.
Heta niha derbarê 75 dosyeyan de biryar hatiye dayîn û 130 kes bi cezayê girtîgehê hatine cezakirin.
Lê 1271 doz berdewam dikin û di van dozan de 1327 kes tên darizandin û ji wan 134 kes girtî ne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse