Hewlêr (Rûdaw) - Li navçeya Pîranê ya Ameda Bakurê Kurdistanê, bi hinceta govend û stranên Kurdî 5 kes hatin desteserkirin.
Demên dawiyê li Tirkiye û Bakurê Kurdistanê gelek kes tên girtin ku di dawetan de govendê digerînin an jî stranên bi Kurdî dibêjin.
Hêzên ewlehiyê “propagandaya PKKyê” dikin hincet û xelkê desteser dikin.
Îro jî li Pîranê 5 kes bi heman hincetê hatin desteserkirin.
Parêzgariya Amedê got ku hêzên wan ji bo desteserkirina 7 kesên ku li gel stranên Kurdî govend gerandiye “operasyonek” kiriye.
Li gorî daxuyaniyê, 5 ji wan hatine desteserkirin û hêzên ewlehiyên yên Tirkiyeyê hewl didin her du kesên din jî bigirin.
Kesên hatin desteserkirin şandine Dozgeriya Komarê ya Amedê.
Wan 5 kesan dê piştî karên îfadewergirtinê bişînin Dadgeha Amedê.
Li hêla din, ev kiryarên Tirkiyeyê yên demên dawiyê rastî bertekên tund ên Kurdan tên.
Li ser torên civakî bi taga “#EmBernadinVêDîlanê” gelek dîmenên govendên Kurdî tên belavkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse