Hewlêr (Rûdaw) – Li Rojavayê Kurdistanê 400 şervanî dewreya perwerdeyê qedand û tev li Hêzên Erka Xweparastinê bûn.
Li gorî nûçeya ANHAyê, li Akademiya Hêzên Erka Xweparastinê dewreya 400 şervanî bi dawî bû.
Dewreyê 45 rojan dom kir û Hêzên Erka Xweparastinê ji bo 400 şervanî merasîmek li dar xist.
Şervanên nû, fermandarên hêzê, Meclîsa Leşkerî ya Reqayê, nûnerên Rêveberiya Xweser a Demokratîk û malbatên şervanan li merasîmê hazir bûn.
Endamê Ofîsa Perwerdeyê ya Hêzên Erka Xweparastinê Hazim Idrîs di merasîmê de axivî û hewldanên şervanan pîroz kirin.
Hazim Idrîs destnîşan kir ku erka parastina herêmê ya her kesî ye û bal kişand ser girîngiya pêkanîna perspektîvên leşkerî.
Şervanan piştre merasîmeke leşkerî li dar xist û li pêşiya beşdaran sonda leşkerî xwar.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse