Vîrusa koronayê li Duhokê bazara pirtûkan germ kir

Hewlêr (Rûdaw) - Li parêzgeha Duhokê ku tedbîrên li dijî vîrusa koronayê hatine tundkirin, vê yekê wiha kiriye ku piraniya xelkê li malên xwe bimînin û bi vê yekê re jî daxwaza li ser xwendina pirtûkan zêde bûye.

Ji ber qedexeyê, li Duhokê rêjeya xwendina pirtûkan zêde bûye asta firotinê ya pirtûkxaneyan 5 qat zêde bûye

Pirtûkxaneyên li Duhokê dibêjin, karê wan 5 qat zêde bûye û ew rojane nêzîkî 65 postên pirtûkan ji xelkê re dişînin mal.

Welatî jî dibêjin, qedexeya derketina derve ji bo wan bûye derfetek ku hem li nava malbata xwe de zêdetir bimînin û hem jî pirtûkan bixwînin.

Eyûb Ehmed ê 29 salî ku 17 sal e dikana wî ya pirtûkan heye dibêje: “Piştî ev rewş hat, xelkek li mala xwe de dimînin û em jî rojane 60-65 posttên pirtûkan bi dişînin bo malan.”

Şoferên taksiyên veguhestina pirtûkan dikin jî dibêjin karê niha zêde bûye û pêştir wan rojan derdora 15 seferan dikir, lê niha ew zêdeyî 50 seferan dikin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger