Hewlêr (Rûdaw) - Hikûmeta Herêma Kurdistanê dest bi xerckirina pereyê belênderan dike û ji heftiya bihê ve xerckirina perey ji bo belênderên Kurdistanê dest pê dike.
Wezîrê Darayî û Aborî yê Herêma Kurdistanê, Rêbaz Hemlan ji Rûdawê re ragihand: “Heftiya bê dê ni dahata petrolê dest bi dabeşkirina 100 milyon dolar bi ser hemû wan peymankar û belênderan de tê kirin, ku li herêma Kurdistanê kar kirine.”
Rêbaz hemlan ji Rûdawê re got: “Bi razîbûna Serokwezîrê Herêma Kurdistanê, Nêçîrvan barzanî û ji dahata Neftê dê ew pare bi alîkarî û hevahengiya Wezareta Darayî Aborî û herwiha Wezareta Pilandanînê û Yekîtiya Peyamankaran were dabeşkirin.”
Rêbaz hemlan supasiya xweragirî û helwest û karê berdewam ê peymankaran jî kir, ku mil bi milê mûçexuran barê kirîza aborî li Herêma Kurdistanê hilgiritn.
Wezîrê Darayî û Aborî yê Herêma Kurdistanê herwiha got: “Supas ji bo hemû hevniştimaniyên Kurdistanê û piştrast bin ku rojên zehmet ber bi dawiyê ve diçin.”
Ji sala 2014ê ve ku hikûmeta Iraqê bûdceya Herêma Kurdistanê birrî û herwiha piştî êrişa DAIŞê û şerê li dijî wê rêxistinê, Herêma Kurdistanê rastî krîzeke mezin a aborî û darayî hat.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse