Hewlêr (Rûdaw) - Serokê Herêma Kurdistanê Mesûd Barzanî, ku ji bo civîna aborî ya Davosê çûye Swîsrayê, bi nûner û berpirsên şîrketên mezin ên petrolê re hevdîtin pêk anî û piştevaniya dayîm a Hikûmeta Herêma Kurdistanê bo wan ragihand.
Li gorî malpera fermî ya Serokatiya Herêma Kudistanê, Barzanî duh (23.01.2014) di kevana civîna aborî ya Davosê de bi serokê şîrketa Exxon Mobil a amerîkî Rex Tîlerson û cîgirê serokê şîrketa Chevron Jay Priyer civiya.
Di civînan de ku Serokê Dîwana Serokatiya Herêma Kurdistanê Dr. Fuad Husên, Wezîrê Çavkaniyên Sirûştî Dr. Aştî Hewramî û Berpirsê Pêwendiyên Derve Felah Mistefa jî beşdar bûn, her du şîrketên petrolê spasiya hevkariya Hikûmeta Herêma Kurdistanê kirin û li ser kar û xebatên xwe jî agahî dan Barzanî.
Serokê Herêma Kurdistanê jî spasiya wan her du şîrketên mezin kir û ragihand, hikûmeta Herêma Kurdistanê dê li ser piştevanîkirin û alîkarîkirina wan şîrketan berdewam be.
Mesûd Barzanî, ev cara duyemîn e tevlî civîna Davosê ya Swîsrayê dibe. Barzanî dê di kevana civînê de bi hinek serok û lîderên cîhanê re jî bicive.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse