Genel Energy li kêlgeha Pêşxabûrê berhemanîna petrolê zêde dike

Hewlêr (Rûdaw) – Kompaniya Genel Energy eşkere dike ku li Herêma Kurdistanê nêzîkî armanca xwe ya bilindkirina asta berhemanîna petrolê bûne.

 

Roja pênceşmê 17-05-2018an kompaniya Genel Energy ragihand ku ji armanca bilindkirina berhemanîna petrolê re nêzîk bûne ku li kêlgeha Pêşxabûr destnîşan kirine û bi hev re bi hevbeşiya li gel kompaniya DNO Energy dê pêk bînin.

 

Genel Energy herwiha diyar kiriye ku heta destpêka havîna îsal asta berhemanîna petrolê li kêlgeha Pêşxabûr  heta 30 hezar bermîlan bilind bikin, ku li gor dawiya sala par du qat zêde dibe.

 

Serokê Kompaniya Genel Energy Steven Waitt ragihand ku kolandina 3 bîrên ji wan 6 bîrên ku plana kolandina wan hatiye danîn, bi budceyeke tam berdewam e.

 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger