Tankera petrola kurdan a 23yemîn hat barkirin

 

Enqere (Rûdaw)- Wezîrê Enerjiyê yê Tirkiyeyê Taner Yildiz ragihand ku duhî li Tirkiyeyê tankera petrola kurdan a 23yemîn hat barkirin.

Yildiz beşdarî panela “Rêya Gaza Başûr û Ewlekariya Enerjiyê” ya ji aliyê Weqfa Lêkolînên Civakî û Aboriya Siyasetê ve hatî sazkirin bû.

Wezîr Yildiz li ser mijara pêşveçûnên herêmê û polîtîkaya enerjiye axaft û li ser pirsa hinardeya petrolê û pereyên li Halkbankê hatin razandin got, duhî li Tirkiyeyê tankera petrola kurdan a 23yemîn hat barkirin.

Taner Yildiz diyar kir ku dahatên petrolê li Halkbankê tên razandin û wiha domand:

 “Dahatên petrolê ji bo rewşa Iraqê aram bibe girîng e. Ji beriya niha roje 100 hezar bermîl petrola Iraqê dihat hinardekirin, ji beriya 2 hefteyan bû 180 hezar waril û ji serê vê hefteyê û pê de jî gihîşt 240 hezar bermîl. Barê van boriyan 1,5 milyon bermîl e. Çiqasî zêde petrol li vê xetê biborî ewqasî Iraqê zû aram bibe.”

Wezîrê Enerjiyê yê Tirkiyeyê Taner Yildiz daxuyandin tu pirsgirêkên hinardeya Iraqê nîne û got hinardeya petrolê ji bo Iraqê gelek girîng e.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger