Hewlêr (Rûdaw) – Kompaniya çêkirina balafirên geştiyariyê ya Boeing ragihand ku ti balafirek radestî Îranê nakin. Herwiha herdu kompaniyên Peugeot û Citroen diyar kirin ku sermayeyên xwe yên li Îranê didin sekinandin.
Serokê Amerîkayê Donald Trump ji rêkeftina atomî ya Îranê vekişiya, piştre kompaniyên mezin ên cîhanê yek bi yek li pev hev girêbestên xwe yên li gel Îranê betal dikin.
Ajansa nûçeyan a Fransayê îro ragihand ku berdevkê kompaniya çêkirina balafiran a Boeing ragihandiye ku ti balafirek radestî Îranê nakin û ti balafir nedane jî, ji ber ku niha û di vê demê de rê li ber me tine ku em balafir bifiroşin Îranê.
Li gor girêbesta Kompaniya Esmanî ya Îranê, biryar bû Kompaniya Boeing 80 balafir radestî Îranê bike, diviyabû 50 balafirên modela 737 û 30 balafir jî ji modela 777 bin û di nav 10 salan de radestî Iran Air bikin. Buhayê girêbestê zêdetirî 16 milyar dolar bû.
Betalkirina girêbesta Boeing li gel Îranê di demekê de ye ku roja duşemê, herdu kompaniyên Fransayê yên çêkirina otomobîlan ên Peugeot û Citroen ragihandibûn ku sermayeguzariyên xwe yên li Îranê radiwestînin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse