Li Berwarî Bala berhemanîna sêvan kêm bûye

Duhok (Rûdaw) – Li devera Berwarî Bala ya parêzgeha Duhokê ya Başûrê Kurdistanê ji ber xerca zêde û kêmbûna buhayê sêvan, cotkar zirar dikin.

 

Devera Berwarî Bala ya Duhokê bi sêvên xwe navdar e. Çend salên berê li ser daxwaza ji derve, sêvên vê deverê, ber bi derveyê Kurdistanê jî dihatin hinartin.

 

Cotkaran ji Rûdawê re diyar kirin, îsal ji ber xerca berhemanîna sêvan û kêmbûna buhayên wan, zirar dikin.

 

Herwiha cotkar ji ber giraniya berhemanînê û nebûna şîretkariya çandiniyê gilî û gazindan dikin û ji rayedaran dixwazin ku alî wan bikin.

 

Rayedarên Rêveberiya Çandiniya Duhokê jî dibêjin, ku ji ber siyaseta çandiniyê ya Bexdayê ya li dijî Hewlêrê, nikarin piştgiriyên pêwîst bidin cotkaran.

 

Devera Berwarî Bala ya Duhokê, ax û av û hewayê wê ji bo berhemanîna sêvan gelek guncaw e. 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger