ئەمشەو دیاردەی مانگگیرانی نیمچەیی لە چوار کیشوەر دەبیندرێت

 

 

لە ئەوروپا، ئەفریقا، زۆربەی ئاسیا و رۆژئاوای ئوسترالیا، بەشێکی مانگ دەگیرێت. مانگگیرانەکە کاژێر 10:34 خولەکی ئەمشەو دەستپێدەکات و تاوەکو 11:52 خولەک بەردەوام دەبێت.

 

مانگگیران کاتێک روودەدات کە زەوی دەکەوێتە نێوان خۆر و مانگەوە و رێگری لە گەیشتنی تیشکی خۆر بە مانگ دەکات. بەگوێرەی لێکدانەوە گەردوونییەکان، مانگگیرانی داهاتوو 25ی ئاداری ساڵی 2024 روودەدات.