وەزیری تەندروستیی کۆماری دۆمینیکان بۆ رووداو: داوا دەکەین خەڵک بە چاوی برایەتی سەیری یەکدی بکەن

 

 

رۆژی پێنجشەممە، 26-09-2024، ڤیکتۆر عەتاڵڵا، وەزیری تەندروستیی کۆماری دۆمینیکان بە سینان تونجدەمیر، پەیامنێری رووداو لە نیویۆرکی راگەیاند: "من فەلەستینیم، خێزانەکەم خەڵکی فەلەستینن. ئەو جەنگە زیانی لێداوین و بارگرانییەکی زۆری بۆ دروستکردووین لەوێ. داوا لە جیهان دەکەین خەڵک بە چاوی برایەتی سەیری یەکدی بکەن. هەسارەکە گەورەیە و دەتوانین بەشی بکەین. لەکۆنەوە جووەکان لەگەڵ ئێمە دەژیان لەوێ. ئێمە پێویستە لەگەڵ یەکدی بژین و رێزی یەک بگرین."

 

ڤکتۆر عەتاڵڵا کە بۆ بەشداریکردن لە کۆبوونەوەکانی کۆمەڵەی گشتیی نەتەوە یەکگرتووەکان لە نیویۆرک بوو، گوتی: "گرنگترین شت ئەوەیە رێز لە مافی خەڵک بگرین، دەبێت ئەو بەهایە لەناخی هەمووماندا بێت، نابێت هەر بیر لە قازانجکردن و بردنەوەی زیاتر بکەینەوە."

 

پەیامنێری رووداو پرسیاری ئەوەی لێکرد، رای چییە کە نەتەوە یەکگرتووەکان تاوەکو ئێستا نەیانتوانیوە ئاشتی لە غەززە بەرقەرار بکەن، ئەو گوتی: "پێموایە نەتەوە یەکگرتووەکان خەریکن کاری خۆیان دەکەن. وڵاتەکان پێویستە رێزی نەتەوە یەکگرتووەکان بگرن، ئەمە گرنترین شتە."

 

 

 

ڤیکتۆر عەتاڵڵا: پەیامی گرنگی ئەمڕۆ دژە بەکتریاکان بوو، ئێمە خەریکە مامەڵە لەگەڵ کێشەیەکی گەورە دەکەین، بەکتریاکان تا دێت بەهێزتر دەبن. ئێمە خەریکین کار لەسەر سیستمێک دەکەین بۆ ئەوەی لەو کێشەیە رزگاربین. ئیستا بەشی پێویست دەرمانمان هەیە بۆ ئەوەی چارەسەری هەموو ئەو کەسانە بکەین کە تووشی بەکتریا بوون. ئێستا هەموو جیهان خەریکە شەڕی بەکتریاکان دەکات.

 

 

ڤیکتۆر عەتاڵڵا: گۆڕانی کەشوهەوا کاریگەریی لە هەموو شتێک کردووە وەکو تەندروستی، کەشوهەوا و ژیانی کۆمەڵایەتی. بەڵێ بێگومان کاریگەریی لەسەر کۆچبەران هەیە.

 

 

ڤیکتۆر عەتاڵڵا: بەگوێرەی چی؟

 

 

ڤیکتۆر عەتاڵڵا: بەڕای من گرنگترین شت ئەوەیە رێز لە مافی خەڵک بگرین، دەبێت ئەو بەهایە لەناخی هەمووماندا بێت، نابێت هەر بیر لە قازانجکردن و بردنەوەی زیاتر بکەینەوە. من فەلەستینیم، خێزانەکەم خەڵکی فەلەستینن. ئەو جەنگە زیانی لێداوین و بارگرانییەکی زۆری بۆ دروستکردووین لەوێ. داوا لە جیهان دەکەین خەڵک بە چاوی برایەتی سەیری یەکدی بکەن. هەسارەکە گەورەیە و دەتوانین بەشی بکەین. لەکۆنەوە جووەکان لەگەڵ ئێمە دەژیان لەوێ. ئێمە پێویستە لەگەڵ یەکدی بژین و رێزی یەک بگرین. 

 

 

ڤیکتۆر عەتاڵڵا: پێموایە نەتەوە یەکگرتووەکان خەریکن کاری خۆیان دەکەن. وڵاتەکان پێویستە رێزی نەتەوە یەکگرتووەکان بگرن، ئەمە گرنترین شتە. 

 

 

ڤیکتۆر عەتاڵڵا: ئەمە پرسێکە نامەوێت وەڵامی بدەمەوە، چونکە زۆر ئاشنای ئەو پرسە نیم. زانیاریم لەسەر نییە بۆیە نامەوێت باسی بکەم.