شازادە چارلزی وێڵز تووشی ڤایرۆسی کۆرۆنا بوو
رووداو - هەولێر
کۆشکی شاهانەی بەریتانیا رایگەیاند، شازادە چارلزی وێڵز کە مێردی شازادە دایانای کۆچکردووە، پشکنینی پزیشکییەکەی بۆ ڤایرۆسی کۆرۆنا ئەرێنی دەرچوو. هاوکات پشکنینی پزیشکیی هاوژینەکەی بۆ ڤایرۆسەکە نەرێنی بووە.
نیشانەکانی ڤایرۆسەکە بە سووکی لەسەر شازادە چارڵزی تەمەن 71 ساڵ دەرکەوتوون و کۆشکی شاهانە دەڵێت، دۆخی تەندروستیی شازادەکە جێگیرە.
هەروەها پشکنین بۆ کامیلا رۆزماری، هاوژینی شازادە چارلز کراوە و دەرکەوتووە کە تووشی ڤایرۆسەکە نەبووە.
بەپێێ راگەیێندراوی کۆشکی شاهانەی بەریتانیا، هەریەکە لە شازادە چارلز و هاوژینەکەی لە قەڵای باڵمۆراڵ لە سکۆتلەندا بە تەنیا کەرەنتین کراون و هێشتاش دیار نییە ڤایرۆسەکەیان لە کوێ و لە کێوە بۆ گوازراوەتەوە.