لە مێرسین تەرمی کۆرپەیەک لە نێو زبڵدانێکدا دۆزرایەوە

 

تەرمی کۆرپەکە رۆژی چوارشەممە 25ـی ئەیلول لە گەڕەکی مەیدان سەر بە شارۆچکەی موت لەلایەن ژنێکی تەمەن 50 ساڵ بە ناوی جەنەت سومبول کە خەریکی کۆکردنەوەی کاغەز و پلاستیک بوو، دۆزراوەتەوە. تەرمەکە لە پارچەیەک قوماش پێچرابوو و خرابووە نێو کیسێک.

 

تیمەکانی تەندروستی و پۆلیس چوونە شوێنی رووداوەکە و تەرمەکەیان هەڵگرتەوە و بردیان بۆ دادپزیشکیی شارۆچکەکە.

 

پۆلیس ناسنامەی دایک و نەنک و باپیری کۆرپەلەکەی دۆزییەوە و دەستبەسەری کردن.

 

لە لێکۆڵینەوەی پۆلیسدا دەرکەوتوو کە (یە. چ) ـی تەمەن 21 ساڵ دایکی کۆرپەلەکە دوو هەفتە پێشتر لەگەڵ (ف. چ)ی دایکیدا هاتووە بۆ شارۆچکەی موت و خانوویەکیان بە کرێ گرتووە. دوای رووداوەکە پێکەوە گەڕاونەتەوە و بۆ ماڵەکەی خۆیان لە مێرسین. 

 

"یە. چ." دایکی کۆرپەکە لە گوتەکانیدا باس لەوە دەکات: کاتێک لە زانکۆ خوێندوویەتی دوو گیان بووە، شەو لە حەمام منداڵەکەی بە مردوویی لەدایکبووە، بەو هۆیەوە کۆرپەکەی فڕێداوەتە نێو زبڵدانەوە و دایکی ئاگاداری رووداوەکە ئاگادار نەبووە.