وەزیری تەندروستیی تورکیا: 16 هەزار کەس لەکاتی قوربانیکردندا برینداربوون

 

فەخرەدین کۆجا، وەزیری تەندروستیی تورکیا لە تۆڕی کۆمەڵایەتیی ئێکس بڵاویکردەوە، برینداران بە مەبەستی وەرگرتنی چارەسەر چوونەتە یان براونەتە نەخۆشخانە و بنکە تەندروستییەکان.

 

بە گوتەی وەزیری تەندروستیی تورکیا، هەزار و 274 کەس لەوان لە ئەنقەرە، 840 کەسیان لە ئیستەنبووڵ و 416 کەسی دیکەیان لە ئیزمیر بوون. 

 

وەزیری تەندروستیی تورکیا وردەکاریی دیکەی لەو بارەوە رانەگەیاندووە. 

 

رۆژی یەکشەممە 16-6-2024 یەکەم رۆژی جەژن بوو لە باکووری کوردستان و تورکیا و ژمارەیەکی زۆر هاونیشتمانی و هاووڵاتیش قوربانییان کرد.