وەزیری ژینگە و شارسازیی تورکیا: پێویستە 84 هەزار و 726 باڵەخانە بەپەلە بڕووخێندرێن

موراد کوڕوم، وەزیری ژینگە و شارسازیی تورکیا ئەمڕۆ هەینی 17ـی شوباتی 2023، لە بەڕێوەبەرایەتیی سەنتەری فریاکەوتنی 112 لە شاری ئادانای تورکیا کۆنگرەیەکی رۆژنامەڤانی سازدا و دوایین پێشهاتەکانی لەبارەی بوومەلەرزەکەی مەرەش بڵاوکردەوە.

 

موراد کوڕوم گوتی، تائێستا لە 11 پارێزگای تورکیا پشکنین بۆ 684 هەزار باڵەخانە کراوە، کە سێ ملیۆن و نۆ هەزار و 563 یەکە (شوقە) لە خۆ دەگرێت.

 

کوروم ئاماژەی بەوەدا، پێویستە 84 هەزار و 726 باڵەخانە بەپەلە بڕووخێندرێن، کە بەهۆی بوومەلەرزەکەوە زیانێکی زۆریان پێگەیشتووە.