تورکیا بڕیاریدا مزگەوت لە قوتابخانە و بەشە نێوخۆییەکان دروستبکات

 

 

ئەمڕۆ دووشەممە، 16ـی تشرینی یەکەمی 2023 بڕیارەکە لە رۆژنامەی فەرمیی تورکیادا بڵاوکرایەوە. لەگەڵ بڵاوکردنەوەی ئەو هەموارەی وەزارەتی پەروەردەی تورکیا کە لە پەیڕەوی پەروەردەی پێش قوتابخانە و دامودەزگەکانی پەروەردەی بنەڕەتی ئەنجامیداوە، لە شوێنی ژووری نوێژکردن، کردنەوەی مزگەوت لە دامەزراوەکانی خوێندنی پێش قوتابخانە بنەڕەتییەکاندا بوو بە ناچاری. 

 

پێشتر لە پەیڕەوەکەدا ئاماژە بەوەدرابوو، "شوێنی پەرستن لە قوتابخانە ناوەندییەکانی هەرێمیدا بکرێتەوە، لە دامودەزگەکانی خوێندنی پێش قوتابخانە و خوێندنی سەرەتایییش ئەگەر داوای بکرێت، دەتوانرێت شوێنێکی گونجاو بۆ ژووری نوێژکردن تەرخان بکرێت". ئەم بڕگەیە گۆڕا بۆ "بە مەبەستی دابینکردنی پەرستگە، لە قوتابخانەکانی پەروەردەی پێش قوتابخانە و دامەزراوەکانی پەروەردەی سەرەتایی و قوتابخانە ناوەندییە ناوچەییەکان، مزگەوت لە شوێنێکی گونجاودا دەکرێتەوە کە گونجاوبێت بە شێوەیەکی سرووشتی رووناک بکرێتەوە".