لە ئیستەنبووڵ کەسێک بە تۆمەتی ئەندامێتیی پەکەکە خرایە زیندانەوە

 

 

ئەو کەسە رۆژی 9ی تەممووز لە ئۆپەراسیۆنێکی هێزە ئەمنییەکانی تورکیا لە ئیستەنبووڵ، لەگەڵ شەش کەسی دیکەدا لەلایەن تیمەکانی هۆبەی بەرەنگاربوونەوەی تیرۆری سەر بە بەڕێوەبەرایەتیی ئاسایشی ئیستەنبووڵ دەستبەسەر کرابوو.

 

ئێوارەی رۆژی پێنجشەممە 11ی تەممووز، دوای کۆتاییهاتنی لێکۆڵینەوەکان، لەو حەوت کەسە، کەسێکیان بە تۆمەتی ئەوەی ئەندامی رێکخستنی لاوانی پەکەکەیە، بە بڕیاری دادگە خرایە زیندانەوە. شەش کەسەکەی دیکەش ئازاد کران؛ لەوانەش سێ کەسیان بە مەرجی دادوەری ئازاد کراون.

 

لە تورکیا و باکووری کوردستان بە نزیکەیی رۆژانە هێزە ئەمنییەکان هەڵدەکوتنە سەر ماڵان و بە تۆمەتی ئەندامێتیی پەکەکە و بانگەشەکردن بۆی، هاووڵاتییانی مەدەنی و چالاکڤانان و سیاسەتڤانانی کورد دەستگیر دەکەن.