لە ئیستەنبووڵ کەسێک هەشت ئۆتۆمبێلی سووتاند

 

 

رووداوەکە کاژێڕ 02:00ـی بەرەبەیانی ئەمڕۆ سێشەممە 11ـی حوزەیران روویدا، دیمەنەکانی چرکەساتی رووداوەکە لە رێگەی کامێرای مۆبایلەوە تۆمارکراون.

 

لە گرتە ڤیدیۆییەکاندا دەردەکەوێت کەسێک کە تائێستا ناسنامەکەی نادیارە، شلەیەک بەسەر چەند ئۆتۆمبێلەکاندا دەکات و یەک بە یەک ئاگریان تێبەردەدات.

 

ئەو کەسە دوای سووتاندنی ئۆتۆمبێلەکان. ئاگر لە دووکانێک بەردەدات.

 

تیمەکانی ئاگرکوژێنەوە گەیشتنە شوێنی رووداوەکە و ئاگرەکەیان کوژاندەوە.

 

رووداوەکە زیانی گیانی نەبووە، پۆلیسیش بەدوای تۆمەتبارەکەدا دەگەڕێت بۆ ئەوەی دەستگیری بکات.