داوای پێنج ساڵ زیندانی بۆ هێرشکارەکەی سەر بارەگای هەدەپە دەکرێت

 

 

پرۆسەی دادگەیی ئاسڵی جافری، ئەو ژنەی رۆژی 20-8-2023 هێرشی کردە سەر بارەگەی هەدەپە لە پارێزگای ئەدەنەی تورکیا، بەردەوامە. 

 

ئەو سکاڵایەی لە دژی جافری تۆمارکرابوو، لەلایەن دادگەی هەشتەمین دادگەی ئەسڵییەی ئەدەنەوە پەسندکرا و پرۆسەی دادگەیی بەردەوامە. 

 

جافری 3 بوتڵ ماددەی سووتێنەری (سپرتۆ)ی چڕی گواستبووەوە باڵەخانەکە و بەگوتەی بەشێک لە شایەتحاڵان، نیازی سووتاندنی باڵەخانەکەی هەبووە، بەڵام تۆمەتبار ئەمە رەتدەکاتەوە. 

 

داواکاری گشتی پێداچوونەوەی بە سکاڵانامەکەدا کرد و داوایکرد تۆمەتبار لەسەر مادەی 'هەڕەشەکردن بە چەک' بە سزای زیندانیی 2 بۆ 5 ساڵ سزا بدرێت.

 

ئەمە لەکاتێکدایە ئاسڵی جافری تۆمەتەکان قبووڵ ناکات و دەڵێت، ئەوکات بەهۆی بەکارهێنانی چەند چارەسەر و دەرمانێک ئەو کاریگەرییەی لەسەر دروست بووەو ئەو کارەی کردووە.  

 

چاوەکان لەسەر بڕیاری دادگەن کە ئەم ئێوارەیە پێنجشەممە، 3-10-2024، بەڕێوەدەچێت و چاوەڕێ دەکرێت بڕیار لەمبارەیەوە بدرێت.