عێراق چوارەم هەناردەکاری نەوتە بۆ کۆریای باشوور

 

دامەزراوەی نەوتی کۆریای باشوور رایگەیاند، لە مانگی نیساندا سعودیە گەورەترین هەناردەکاری نەوتیان بووە. لەو مانگەدا 29 ملیۆن و 187 هەزار بەرمیل نەوتی بۆ هەناردە کردوون.

 

لە دوای سعودیە، ئیمارات بە 16 ملیۆن و 950 هەزار بەرمیل و ئەمریکاش بە 12 ملیۆن و 386 هەزار بەرمیل نەوت، دووەم و سێیەمین گەورەترین هەناردەکاری نەوتی کۆریای باشوور بوون.

 

دامەزراوەی نەوتی کۆریای باشوور دەشڵێت، لە نیسانی ئەم ساڵدا عێراق چوارەم گەورەترین هەناردەکاری نەوت بووە بۆ کۆریای باشوور. 

 

لەو مانگەدا عێراق بە تێكڕا 7 ملیۆن و 749 هەزار بەرمیل نەوتی هەناردەی کۆریای باشوور کردووە. ئەم بڕە دەکاتە 258 هەزار و 300 بەرمیل نەوت لە رۆژێكدا.

 

دامەزراوەکە دەڵێت، لە نیسانی 2023ـدا عێراق 5 ملیۆن و 735 هەزار بەرمیل نەوتی هەناردەی کۆریای باشوور کردبوو. بەوەش لە نیسانی ئەم ساڵدا هەناردەی نەوتی عێراق بۆ کۆریای باشوور 35٪ زیادبووە.