وەزارەتی بەرگریی ئێران: لە ئیسفەهان بە سێ درۆن هێرش کراوەتە سەر کۆمەڵگەیەکی بەرهەمهێنانمان

 

 

وەزارەتی بەرگریی ئێران سەر لە بەیانیی ئەمڕۆ یەکشەممە 29-01-2023 رایگەیاند، بە سێ درۆن هێرش کراوەتە سەر کۆمەڵگەیەکی بەرهەمهێنان، کە یەکێک لە درۆنەکان بە "سیستمی دژە مووشەکی کۆمەڵگەکە لێی دراوە و دوو درۆنی دیکەش کەوتوونەتە داوی سیستمی بەرگری و تەقیونەتەوە."

 

ئەو هێرشە دوایین ساتەکانی شەوی 28-01-2023 روویداوە و بەپێی راگەیێندراوی وەزارەتی بەرگریی ئێران، هێرشەکە بەهۆی "پێشبینییەکان و رێوشوێنە رەچاوکراوەکان بە سەرکەوتوویی پووچەڵ کراوەتەوە."

 

وەزارەتی بەرگریی ئێران دانی بەوەدا ناوە، سەربانی یەکێک لە کارگەکان زیانی بەرکەوتووە، بەڵام "کێشەیەکی بۆ دامودەزگا و چالاکییەکانی کۆمەڵگەکە دروست نەکردووە."