لە سەردەشت سەربازێک بە هەورەبرووسکە گیانی لەدەستدا

 

ئەمڕۆ (چوارشەمە، 2ـی تشرینی یەکەمی 2024) سیامەند محەممەدی، بەڕێوەبەری تەندروستیی سەردەشت رایگەیاند، لە بەرزاییەکانی گوندی بێوران، بەهۆی هەورەبرووسکە کەسێك گیانی لەدەستدا و کەسێکی دیکەش بریندار بوو.

 

محەممەدی گوتی، ئەو دوو کەسە سەرباز بوون، لە کاتی بارانبارین لە بەرزاییەکانی گوندی بێورانی سەردەشت بوون، کە هەورە برووسکە لێیداون، گەنجێکیان کە تەمەنی 19 ساڵە بە ناوی هادی جەوادی هەر لەوێ گیانی لە دەستداوە، گەنجەکەی دیکەش برینەکەی سەختە و رەوانەی نەخۆشخانە کراوە.

 

لە دوێنێوە بارانبارین و هەورەبرووسکە و رەشەبا ئەو ناوچەیەی گرتووەتەوە.

 

کەشناسیی پارێزگای ورمێ دەڵێت، بارانبارین لەم ناوچەیە تاوەکو کۆتایی ئەم هەفتەیە بەردەوام دەبێت.