عێراق و تورکیا لە سەردانەکەی ئەردۆغاندا زیاتر لە 20 رێککەوتن واژۆ دەکەن

 

 

رۆژی هەینی لە ئیستەنبووڵ، هاکان فیدان بە رۆژنامەڤانانی گوت: "هیوادارین سبەی ئەم رێککەوتنانە بە ئامادەیی سەرکردە سیاسییەکان ئەم رێککەوتنانە واژۆبکرێن."

 

وەزیری دەرەوەی تورکیا باسی لەوە کرد، ماوەیەکی درێژە هەردوو وڵات هەوڵدەدەن لە بواری ئەمنی، وزە، کشتوکاڵ، تەندروستی و پەروەردەدا رێککەوتن واژۆبکەن. 

 

فیدان گوتی: "ئامانجمان ئەوەیە پەیوەندیێکمان هەبێت کە رێگە بۆ سەقامگیری، خۆشگوزەرانی و گەشەی هەرێمیی بکاتەوە، بۆ ئەوەی پەیوەندییەکانمان بەو شێوەیە بەدامەزراوەیی بکەین و هەموو هەوڵێکمان بۆ گەشەکردن و خۆشگوزەرانیی ناوچەکە بدەین."

 

ئەردۆغان سبەی سەردانی هەولێریش دەکات، دوای ئەوەی کە لە بەغدا لەگەڵ عەبدوللـەتیف رەشید، سەرۆککۆمار و محەممەد شياع سوودانی، سەرۆکوەزیرانی عێراق بە جیا کۆدەبێتەوە. 

 

کۆبوونەوەکان دوای ئەوە دێن کە مانگی ئاداری ئەم ساڵ فیدان، یەشار گولەر، وەزیری بەرگری، ئیبراهیم کاڵن سەرۆکی دەزگای میت و مونیر کارالئۆغلۆ، جێگری وەزیری ناوخۆی تورکیا سەردانی بەغدایان کرد. 

 

لەو سەردانەدا، هەردوو لا رێککەوتن هاوئاهەنگی ئەمنیی لە دژی پارتی کرێکارانی کوردستان (پەکەکە) و پەیوەندییەکانیان لە بواری وزە، کشتوکاڵ، ئاو، تەندروستی و گواستنەوەدا زیادبکەن.