سوپای ئیسرائیل بۆردوومانکردنی 30 سەکۆی مووشەکیی حیزبوڵڵای لوبنانی راگەیاند
رووداو دیجیتاڵ
فڕۆکە جەنگییەکانی سوپای ئیسرائیل، بۆردوومانکردنی ژمارەیەک جبەخانە و پێگە سەربازییەکانی سەر بە حیزبوڵڵای لوبنانی بڵاوکردەوە و بەپێی هەواڵەکە 30 سەکۆی مووشەک کە بۆ هێرشکردن ئامادەکرابوون، کرانە ئامانج.
ئێوارەی ئەمڕۆ پێنجشەممە، 19ـی ئەیلوولی 2024، سایتی رادیۆی سوپای ئیسرائیل گرتەیەکی ڤیدیۆیی بڵاوکردەوە باس لەوە دەکات، فڕۆکە جەنگییەکانی سەر بە هێزە ئاسمانییەکانیان ژمارەیەک پێگە، ژێرخانی سەربازی، باڵەخانە و جبەخانەی حیزبوڵڵا لە باشووری لوبنانیان کردە ئامانج.
بەپێی هەواڵەکە، فڕۆکە جەنگییەکان لە ئۆپەراسیۆنە ئاسمانییەکەدا 30 سەکۆی مووشەکییان کردە ئامانج، کە 150 مووشەکی لەخۆگرتبوو، حیزبوڵڵا ئامادەیی دەکرد بۆ هەڵدانیان بۆ ئاسمانی ئیسرائیل.