لە شاری خۆی سێ مامۆستا بە رووداوی هاتووچۆ گیانیان لەدەستدا

 

رۆژی سێشەممە، 3-12-2024، لە رێگەی نێوان شاری خۆی و شارۆچکەی کۆتۆل لە نزیک گوندی حەبەش، رووداوێکی هاتووچۆ روویدا و سێ سەرنشینی ئۆتۆمبێلێکی تایبەت کە هەر سێکیان مامۆستای قوتابخانە بوون، گیانیان لەدەستدا.

 

مەجید جوادلوو، مێهراد عالی شانی و حەمید حوسێن لە قوتابخانەیەکی شارۆچکەی کۆتۆڵ مامۆستای قوتابخانە بوون. 

 

ئەمڕۆ لە کاتی چوونیان بۆ قوتابخانە، لە رێگەی نێوان شارۆچکەی کۆتۆڵ و شاری خۆی تووشی رووداوی هاتووچۆ دەبن و هەرسێکیان گیان لەدەستدەدەن. 

 

حوسێن ئەمینی، بەڕێوەبەری بەرگریی شارستانیی کۆتۆل دەڵێت، ئەو سێ کەسە سەرنشینی ئۆتۆمبێلێکی جۆری پراید بوون و ئۆتۆمبێلەکە لە رێگە دەرچووە و وەرگەڕاوە و کەوتووەتە نێو دۆڵێک. 

 

دەشڵێت، ئۆتۆمبێلەکە ئاگری گرتبوو، بەڵام خەڵک توانیویانە بە کەڵک وەرگرتن لە ئاوی رووبار؛ بە خێرایی ئۆتۆمبێلەکە بکوژێننەوە و تەرمەکان دەربهێنن.