لە گەرمیان منداڵێک دەبێ بەژێر تراکتۆرەکەی باوکییەوە و گیان لەدەست دەدات
رووداو دیجیتاڵ
کەمێک لەمەوبەر، لە سنووری قەزای کفری، منداڵێکی 12 ساڵ لە تراکتۆرەکەی باوکی دەکەوێتە خوارەوە و گیان لەدەست دەدات.
بەگوێرەی زانیارییەکانی پەیامنێری رووداو، منداڵەکە لەگەڵ کەوتنەخوارەوەی "سەری دەکەوێتە ژێر تایەی تراکتۆرەکە" و گیان لەدەست دەدات.
لەو بارەیەوە، رێبوار محەممەد، بەڕێوەبەری نەخۆشخانەی فریاکەوتنی شەهید خالید گەرمیانی لە کفری بە رووداوی راگەیاند، منداڵەکەیان بردووەتە نەخۆشخانەکەیان و دواتر نێردراوە بۆ پزیشکی داد لە کەلار.
منداڵەکە ناوی (پێشەوا هیوا)یە و خەڵکی ناحیەی سەرقەڵای قەزای کفریە لە سنووری ئیدارەی گەرمیان.