لە ئێلیهـ ژنێك بەتۆمەتی بانگەشەکردن بۆ پەکەکە خرایە زیندانەوە

 

 

شەوی چوارشەممە 27ـی کانوونی یەکەمی 2023، پرۆسەی دادگاییکردنی ژنێکی کورد بە ناوی ساکینە کایا بەڕێوەچوو. 

 

ساکینە کایا رۆژی سێشەممە 26ـی کانوونی یەکەمی 2023، لە ئۆپەراسیۆنێکی هێزە ئەمنییەکانی تورکیا لە ماڵەکەی خۆیدا لە ناوەندی شاری ئێلیهـ بە تۆمەتی بانگەشەکردن بۆ پەکەکە دەستبەسەرکرا. 

 

دوای وەرگرتنی گوتەکانی لە بەڕێوەبەرایەتی گشتیی ئاسایشی پارێزگا، شەوی رابردوو رەوانەی دادگە کرا.

 

دادگەی ئێلیهـ بە تۆمەتی بانگەشەکردن بۆ پەکەکە بڕیاری بەندکردنی دا و دوای دەرچوونی بڕیارەکە ساکینە کایا خرایە زیندانەوە. 

 

لە تورکیا و باکووری کوردستان رۆژانە هێزە ئەمنییەکان هەڵدەکوتنە سەر ماڵان و بە تۆمەتی ئەندامبوون لە پەکەکە، هاووڵاتیانی مەدەنی و چالاکڤانان و سیاسەتڤانانی کورد دەستگیر دەکەن.