پێشبینیی کەشناسی لەبارەی کەشوهەوای ئەمڕۆ و سبەی

 

 

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، کەشى پێشبینیکراوى 48 کاژێری داهاتووی راگەیاند، بەپێی پێشبینییەکان ئەمڕۆ ئاسمان بەتەواوی هەور دایدەپۆشێت و لە زۆربەی کاتەکان نمەباران دەبارێت. لە ناوچە شاخاوییەکاندا بارانی مامناوەند دەبارێت. رێژەی دابارین لە پارێزگای دهۆک زیاتر دەبێت و پلەی گەرما بەراورد بە ناوچەکانی دیکە نزم دەبێتەوە.

 

ئەمڕۆ سێشەممە 26-3-2024 شاڵاو هیدایەت، شارەزای کەشوهەوا بە رووداوی گوت: "پێشبینی دەکەین بارانی مامناوەند و بەخوڕ لە ناوچە جیاوازەکاندا ببارێت. هەروەها ئەگەری تەرزە لە هەندێ شوێندا هەیە؛ بەڵام پێشبینی تەرزەی قەبارە گەورە ناکرێت."

 

لە راگەیێندراوەکەی کەشناسیی هەرێمی کوردستاندا بۆ سبەی چوارشەممە، 27/3/2024، روونکراوەتەوە: "سبەی ئاسمان هەوری تەواو دەبێت؛ ئەگەری بارانی پچڕپچڕ هەیە تایبەت لە کاتەکانی بەیانی زوودا. پلەی گەرما 2 بۆ 4 پلە بەرز دەبێتەوە."

 

شاڵاو هیدایەت، شارەزای کەشوهەوا دەشڵێت: "سبەی کاریگەریی ئەو شەپۆلە لاواز دەبێت؛ پلەی گەرما بە نزمی دەمێنێتەوە. رۆژی هەینی پلەی گەرما 5 تاوەکو 6 پلە بەرز دەبێتەوە."

 

 

هەولێر: 18 

سلێمانی: 17

دهۆک: 16

کەرکوک: 20

هەڵەبجە: 18

زاخۆ: 17

سۆران: 15

حاجی ئۆمەران: 6

گەرمیان : 22

 

 

هەولێر: 0.2 ملم

سلێمانى: دڵۆپ دڵۆپ

چەمچەماڵ: 0.2 ملم

دەربەندیخان: 0.4 ملم

حاجى ئۆمەران: 14.8 ملم

هەڵەبجە: 0.8 ملم

هەڵشۆ: 0.6 ملم

سۆران: 0.8 ملم

پێنجوێن: 2.2 ملم

مێرگەسۆر: 4.6 ملم

سیدەکان: 2.2 ملم