رۆژانە زیاتر لە 500 زیارەتکاری شیعەی ئێران و رۆژهەڵاتی کوردستان لە دەروازەی مونزریەوە دەچنە عێراق

 

 

سەفەر بارامی، زیارەتکار دەڵێت، "لە ئێرانەوە هاتووین، کارمان پاککەرەوەیە. هاتووین بۆ خزمەتکردنی زیارەتکارانی ئیمام حوسێن تائێستاش کارمان کردووە، ژێرپێی زیارەتکارانمان پاککردووەتەوە، هەرچیمان لە ئیمام حوسێن داواکردووە پێی داوین."

 

هێشتا 13 رۆژی ماوە بۆ چلەی ئیمام حوسێن، بەڵام رۆژانە زیاتر لە 500 زیارەتکار لە دەروازەی مونزرییەوە دەچنە نێو خاکی عێراق.

 

تاوەکو چلەی ئیمام حوسێن تەواو دەبێت، هاتووچۆکردن بەبێ ڤیزایە لە دەروازەکانی نێوان عێراق و ئێران. هیبت نامداری، زیارەتکار دەڵێت، "من کەلهوڕم، هاتووم بۆ خزمەتی ئیمام حوسێن و ئەبلفەزل و ئیمام عەلی عەشقی ئیمام حوسێن."

 

مریەم محەممەد پوور، زیارەتکار دەڵێت، "یەکەمجارمە دێم. ئیحساسێکی زۆر خۆشم هەیە، هاتووم بۆ خزمەتی ئیمام حوسێن، بۆ سەلامەتیی خانەوادەم هاتووم. ئیشەڵڵا ئیمام حوسێن خۆی یارمەتیی خەڵک و ئێمەش بدات."

 

بەرزیی پلەکانی گەرما لە خانەقین لەنێوان 45 بۆ 50 پلەدایە، بەشێک لە زیارەتکاران بەهۆی گەرماوە بە شەو لە دەروازەکەوە تێدەپەڕن، پاسیش بۆ هەموو زیارەتکاران ئامادە کراوە.