تونێلی دەربەندیخان بۆ ماوەی 24 کاژێر دادەخرێت

 

رۆژی یەکشەممە، 25-06-2023، سلێمان محەممەد، قایمقامی دەربەندیخان بە تۆڕی میدیایی رووداوی گوت، بەهۆی کارکردن، پاککردنەوە و کێشانی هێڵکاریی هاتووچۆ بۆ نێو تونێلی دەربەندیخان، تونێلەکە 24 کاژێر دادەخرێت.

 

کاژێر 12:00ـی ئەمشەو تونێلەکە دادەخرێت و قایمقامی دەربەندیخان دەڵێت، دوای 24 کاژێر دەکرێتەوە، لەکاتی داخستنیش شۆفێران دەتوانن رێگەی چیای بەرانان بەکاربهێنن.

 

تونێلی دەربەندیخان، قەزاکانی کفری، کەلار و دەربەندیخان بە سلێمانییەوە دەبەستێتەوە؛ لە ساڵی 1954 لەلایەن دوو کۆمپانیای ئیتاڵی و فەرەنسییەوە دروستکراوە و درێژییەکەی نزیکەی 800 مەترە.