لە سێواز بەفر رێگەی 35 گوندی داخست
رووداو دیجیتاڵ
لە پارێزگای سێوازی باکووری کوردستان بەهۆی بارینی بەفرێکی زۆرەوە رێگەی سەرەکیی چەند شارۆچکەیەک و 35 گوند داخران.
ئەمڕۆ یەکشەممە، 24ـی تشرینی دووەمی 2024، بەهۆی بەفربارین، رێگەی ژمارەیەک گوند و شارۆچکە داخراون و ئاستەنگی بۆ هاتووچۆ دروستکردووە.
شارەوانیی سێواز رایگەیاند، رێگە سەرەکییەکانی ناوەندی شار-کورتلاپا، سۆغوک چەرمیک-دۆغانشار، ئۆرتاکەنت-کۆیولهیسار و شارکشلا-یەڵدزئەلی بەهۆی کەڵەکەبوونی بەفر و بەستەڵەکەوە داخراون.