قایمقامی سیدەکان: فڕۆکەی تورکیا بۆردوومانی ماڵی هاونیشتمانییەکی کرد
رووداو دیجیتاڵ
قایمقامی سیدەکان رایدەگەیێنێت، ئێوارەی ئەمڕۆ فڕۆکەی بێفڕۆکەوانی تورکیا بۆردوومانی ماڵێکی کردووە و خێوەتەکەیانی بەتەواوی سووتاندووە، بەڵام کەسی ماڵەکە زیانیان پێنەگەیشتووە. بەپێی زانیارییەکانی رووداویش، چوار گەریلای پەکەکە لەو بۆردوومانەدا گیانیان لەدەستداوە.
رووداوەکە دەوروبەری کاژێر 04:45 خولەک بووە، ئیحسان چەلەبی، قایمقامی سیدەکان بە رووداوی راگەیاند، ئەو کەسەی ماڵەکەیان بەر بۆردوومانەکە کەوتووە ناوی موخلیس رەشید بووە و پیشەی ئاژەڵدار و جووتیاری بووە. لەکاتی بۆردوومانەکە ئەو کەسانە سەرقاڵی ئاودانی باخەکەیان بوون.
بەپێی ئەو زانیارییانەی دەست رووداو کەوتوون، ئەو گەریلایانەی پەکەکە کە گیانیان لەدەستداوە، دوو ژن و دوو پیاو بوون.
ئەمە دووەم رووداوی بۆردوومانی "فڕۆکەی بێفڕۆکەوانی تورکیایە" لەو سنوورە. بەگوێرەی زانیارییەکانی دژەتیرۆری کوردستان، فڕۆکەی بێفڕۆکەوانی سوپای تورکیا بەرەبەیانی ئەمڕۆ پێنجشەممە، 24-8-2023 ئۆتۆمبێلێکی چەکدارانی پەکەکەی لەسەر رێگەی سنینێ لە قەزای سیدەکانی پارێزگای هەولێر کردە ئامانج و بەهۆیەوە بەرپرسێکی باڵا و دوو چەکداری پەکەکە گیانیان لەدەستدا.
ئیحسان چەلەبی، قایمقامی سیدەکان بە تۆڕی میدیایی رووداوی راگەیاند، کاژێر 12:20 خولەکی شەوی رابردوو ئۆتۆمبێلێکی جۆری پیکاب هایلۆکس بە فڕۆکەی بێ فڕۆکەوان دوو جار لێی دراوە و بە تەواوی سووتاوە.
شایەتحاڵانی نزیک لەو شوێنەی ئۆتۆمبێلەکەی تێدا کراوەتە ئامانج بە رووداویان راگەیاند، بیندراوە ئۆتۆمبێلەکە سێ کەسی تێدابووە. گوتیشیان، تائێستاش بەردەوام فڕۆکەی بێ فڕۆکەوان بەسەر ئاسمانی سنوورەکەدا دەسوڕێتەوە.
بەپێی ئەو زانیارییانەی دەست رووداو کەوتوون، ئەو گەریلایانەی پەکەکە کە گیانیان لەدەستداوە، دوو ژن و دوو پیاو بوون.
ئەمە دووەم رووداوی بۆردوومانی "فڕۆکەی بێفڕۆکەوانی تورکیایە" لەو سنوورە. بەگوێرەی زانیارییەکانی دژەتیرۆری کوردستان، فڕۆکەی بێفڕۆکەوانی سوپای تورکیا بەرەبەیانی ئەمڕۆ پێنجشەممە، 24-8-2023 ئۆتۆمبێلێکی چەکدارانی پەکەکەی لەسەر رێگەی سنینێ لە قەزای سیدەکانی پارێزگای هەولێر کردە ئامانج و بەهۆیەوە بەرپرسێکی باڵا و دوو چەکداری پەکەکە گیانیان لەدەستدا.
ئیحسان چەلەبی، قایمقامی سیدەکان بە تۆڕی میدیایی رووداوی راگەیاند، کاژێر 12:20 خولەکی شەوی رابردوو ئۆتۆمبێلێکی جۆری پیکاب هایلۆکس بە فڕۆکەی بێ فڕۆکەوان دوو جار لێی دراوە و بە تەواوی سووتاوە.
شایەتحاڵانی نزیک لەو شوێنەی ئۆتۆمبێلەکەی تێدا کراوەتە ئامانج بە رووداویان راگەیاند، بیندراوە ئۆتۆمبێلەکە سێ کەسی تێدابووە. گوتیشیان، تائێستاش بەردەوام فڕۆکەی بێ فڕۆکەوان بەسەر ئاسمانی سنوورەکەدا دەسوڕێتەوە.