لە تورکیا و باکووری کوردستان 65 کەس بە تۆمەتی داعشبوون دەستبەسەرکران

 

 

عەلی یەرلیکایا، وەزیری ناوخۆی تورکیا ئەمڕۆ هەینی 23ـی ئاب، لە تۆڕی کۆمەڵایەتی ئێکس رایگەیاند: "لە ماوەی پێنج رۆژی رابردوودا ئۆپەراسیۆنی گورز-9 لە 17 پارێزگا دژی رێکخراوی تیرۆریستی داعش بەڕێوەچوو و 65 تۆمەتبار دەستبەسەرکراون".

 

بەگوتەی یەرلیکایا، ئۆپەراسیۆنەکە لەلایەن بەڕێوەبەرایەتیی هەواڵگری سەر بە بەڕێوەبەرایەتی گشتی ئاسایشی تورکیا و سەرۆکایەتیی فەرمانگەی بەرەنگاربوونەوەی تیرۆر لە پارێزگاکانی ئادانا، ئافیۆنکاراهیسار، ئەنقەرە، بالکئەسیر، بۆلو، هاتای، ئیستەنبووڵ، کرککالە، کۆنیا، مێرسین، موغڵا، ساکاریا ـی تورکیا و پارێزگاکانی سێواز، روها، چەولیگ، کیلیس و مەڵەتی باکووری کوردستان کراوە.